Shoqata Humanitare Dumoshi ka vazhduar aktivitetet për mbjelljen e pemëve në parkun e fshatit Dumosh. Hapësira e parkut po merr çdo ditë një pamje më të bukur dhe më funksionale për komunitetin.

Këto punime po realizohen falë mbështetjes së kompanisë Glencore nga Zvicra, si dhe kontributit të anëtarëve të kryesisë që mbështesin shoqatën përmes anëtarësisë vjetore.

Një falënderim i veçantë i takon zonjës Angjelika Bajrami, e cila ka bërë të mundur sigurimin e mbështetjes financiare nga kompania Glencore për Shoqatën Humanitare Dumoshi.

Së shpejti do të fillojë ndërtimi i një shtëpie pushimore brenda parkut. Ky projekt do të përfshijë mbjelljen e pemëve dekorative të gjata, krijimin e një gardhi të gjelbër, sigurimin e ujit nga një pus aty pranë, si dhe vendosjen e këndeve të lojërave për fëmijë.

Shoqata mbetet e përkushtuar për krijimin e një ambienti më të pastër dhe më të bukur për të gjithë.

Kryesia e Shoqatës
🌐 www.dumoshi.com